गरुडा,२५ असार÷रौतहटको फतुवा विजयपुर नगरपालिकाले अनाथ बालबालिकाहरु बस्ने गरुडाको अनाथालयलाइ २ लाख रुपैया आर्थिक सहयोग गरेका छ ।
रौतहटको मध्ये भाग गरुडामा रहेका बंिशराम अनाथालयलाइ फतुवा विजयपुर नगरपालिकाले दुइ लाखको चेक हस्तान्तरण गरेको हो ।
सो नगरपालिकाकी प्रमुख प्रशासकिय अधिकृत रन्जना साहले एक कार्यक्रम गरी अनाथलयलाइ २ लाखको चेक हस्तान्तरण गर्नुभएको थियो ।
अनाथालयमा रहेका बाल बालिकाको पोषण ,पठन पाठन तथा जिर्ण भवन मरम्मत सम्भार लगायतका कार्यहरु सञ्चालन गर्नको लागी निर्माण गरिएको अक्षय कोषमा सहयोग गरेको नगरपालिकाका प्रमुख प्रशासकीय अधिकृत साहले बताउनु भएको छ ।
चेक हस्तान्स्तरण गर्दै प्रमुख प्रशासकीय अधिकृत साहले अनाथ बालबालिकाको लागि आफ्नो नगरपालिकाबाट सानै सहयोग भएपनि गर्न पाएकोमा खुशी ब्यक्त गर्नु भएको थियो । बशिराम अनाथालयमा ३८ जना बालबालिका रहेका जनाइएको छ । १ करोड संकलन गर्ने लक्ष्य रहेको अक्षय कोष समितिले ५० लाखको हाराहारीमा संकलन गरेको समितिका अध्यक्ष भुवनेश्वर जयसवाल बताउनु भएको छ । अन्य स्थानिय तहले पनि यसरी नै सहयोग गरिदिन अध्यक्ष जयसवालले आग्रह गर्नुभएको छ ।
