चन्द्रपुर,५ कार्तिक / रौतहट जिल्लाको चन्द्रपुरमा रहेको जनज्योती बहुमुखी क्याम्पसको संचालक समितिको अध्यक्षमा एकराज थापा विजयी भएका छन् । उनले आफ्ना प्रतिद्धोन्दी संजय कार्कीलाई एक भोटले हराउदै क्याम्पस संचालक समितिको अध्यक्ष निर्वाचित भएका हुन् । कुल ७० मतदाताले ९ सदस्यीय क्याम्पस संचालक समिति समेत चयन गरेको छ । सर्वसम्मत संचालक समिति चयन हुन नसकेपछि मतदान भएको थियो । अध्यक्षमा थापाले ३१ मत पाएका थिय ,भने कार्कीले ३० मत प्राप्त गरेका थिय । चारजना मतदाता अनुपस्थित रहेकोमा एक भोट बदर भएको थियो । थापा नेकपा निकट हुन भने पराजित कार्की नेपाली काग्रेस निकट हुन । बाबुराम दाहाल ,रामपुकार प्रसाद ,पदमा कुमारी राना ,राम सिहासन राय यादव ,जित बहादुर विश्वकर्मा ,कमला कुमारी ढकाल र जयमाला कुमारी चौधरी सदस्यमा निर्वाचित भएको क्याम्पस प्रमुख बलराम गौतमले बताए । चौधरी बाहेक सबै विजयी थापा प्यानलका हुन ।
