चन्द्रपुर,७ पुस / चन्द्रनिगाहपुरका रिक्सा चालक समाजसेवी केदार प्रसाद तिमलसिनाले चन्द्रपुर नगरका गरिव तथा बिपन्नलाई न्यानो कपडा बितरण गरेका छन् ।
चन्द्रपुर नगरपालिकाको वडानं १० को चेतनगर र बलुवाका करिव एक सय भन्दा बढीलाई जाडोमा लगाउने न्यानो लुगा बितरण गरेका हुन् ।
सशस्त्र प्रहरी सन्तपुरको सहयोगमा उनले बिभिन्न स्थानबाट संकलन गरेको न्यानो लुगा बितरण गरेको बताएका छन् । बिगत लामो समय देखी जाडोका बेलामा बिभिन्न स्थानबाट बाक्ला लुगा संकलन गरेर उनले रौतहट जिल्लाका बिभिन्न स्थानमा रहेका बिपन्न समुदायलाइ बितरण गर्दै आएका छन् ।
तिमलसिनाले चन्द्रनिगाहपुर स्थित मेन चोकमा कपडा बैंक स्थापना गरेर बिपन्न र गरिवका लागि कपडाको जोहो गर्दै आएका छन् ।
गत हप्ता देखी रौतहट सहित तराईका जिल्लामा एक्कासी जाडो बढेपछि तिमलसिना गरिव तथा बिपन्नका लागि न्यानो कपडाको जोहोमा लागेका छन् ।
