चन्द्रनिगाहपुर,११ पुस । चन्द्रनिगाहपुरबाट काठमाण्डौका लागि बिहान हिडेको टाटा सुमोको काउन्टरमा सर्बसाधारणको भिड लागेको छ ।
रौतहटको चन्द्रनिगाहपुराबट काठमाण्डौ जाँदै गरेको टाटा सुमो सिस्नेरीमा दुर्घटना हुदा ६जनाको ज्यान गएको छ । ना २ ख ३४३३ नम्बरको सुमो दुर्घटनामा परेर मृत्युहुने अधिकांस चन्द्रपुर नगरपालिका रहेका छन् । दुर्घटनाको बारेमा थप जानकारी आउन बाकी रहेको छ ।
सो टाटा सुमोमा काठमाण्डौ गएकाहरुको टिकट समेत काटिएको छैन । काउन्टरमा रहेको चलानमा यात्रुको नाम समेत छैन । दुर्घटनामा को को परे भनेर चन्द्रनिगाहपुर स्थित काउन्टरमा भिड लागेको भएपनि जाने यात्रुको कुनै अभिलेख काउन्टरमा छैन । दुर्घटनामा परेर माउन्ट एभरेष्ट बोडिङ स्कुल चन्द्रनिगाहपुरका शिक्षक मनिस बिक र उनको श्रीमतीको ज्यान गएको छ । अन्यको नाम आउन सकेको छैन् ।
