चन्द्रपुर,१२ माघ । एम्बुलेन्समा अबैध धन्दा हुने गरेको पाईएको छ । रौतहटको चन्द्रपुर नगरपालिका–९ मा रहेको डुमरिया स्वास्थ्य चौकीको एम्बुलेन्समा प्रतिबन्धित लागु औषध गाँजा सहित तीन जना लाई मकबानपुर प्रहरीले पक्राउ गरेको छ । उक्त एम्बुलेन्स बाट गाजा तस्करी हुने गरको आरोप समेत रहेको छ । इलाका प्रहरी कार्यालय नेवारपानीले शनीबार साझ हेटौंडा उपमहानगरपालिका वडा नंबर १९ स्थित पुर्व पश्चिम लोकमार्गमा बाट बा २ झ १७४९ नम्बरको एम्बुलेन्समा तीन वटा झोलाभित्र ६ वटा पोका बनाएर राखेको गाजा बरामद भएको मकबानपुर प्रहरीले जनाएको छ ।
