वीरगंज,१६ माघ । पर्सा प्रहरीले बुधबार एक भारतीयलाई अवैध १२ लाख भारतीय नोटसहित पक्राउ गरेको छ । बा. ६ च. ७४४० नम्बरको सेन्ट्रो कार रिजर्व गरी नेपाल आउदै गरेको अवस्था पर्सा प्रहरीले १२ लाख अवैध भारतीय नोटसहित उनलाई पक्राउ गरेको हो । पक्राउ पर्ने व्यक्ति भारतको हिमाञ्चल प्रदेश धौलाकुवा ग्राम पञ्चायत ढोलकवा बस्ने ३२ वर्षीय सुभाष चन्द्र रहेको पर्साका प्रहरी नायव उपरीक्षक वीरेन्द्रबहादुर शाहीले बताए । उनले १२ लाख भारतीय नोट साथमा लिएर नेपाल प्रवेश गरेर नेपाली नम्बरको नै गाडी प्रयोग गरी उत्तरतर्फ जाँदै थिए । सोही क्रममा अभियुक्त सुभाष चन्द पक्राउ परेको प्रहरी उपरीक्षक शाहीले बताए । पक्राउ परेका अभियुक्तलाई थप अनुसन्धान र कार्वाहीको लागि नगदसहित राजश्व अनुसन्धान कार्यालय पथलैया पठाइएको छ ।
