रुपेन्द्र पटेल
बृन्दावन ५ बैशाख ।
कोरोना भाइरसका कारण लकडाउन झेलिरहेका किसान थप समस्यामा परेका छन । लकडाउनका कारण कमाईको आस छाडेर खेतमा लगाएको बालिको आसमा बसेका किसानलाई सो आस पनि निराशमा परिणत भएका छन । शुक्रबार राती करिब साढे ८ बजेको समयमा आएको हावाहुरीका कारण रौतहटको उतरी भेगका किसानको ठुलो क्षती भएको छ । गत वर्ष जस्तै यस वर्ष पनि हावाहुरीका कारण रौतहटको उतरी भेलका किसानले लगाएका मकै बालि पुर्ण रुपमा नष्ट भएको हो । जिल्लाको उतरी भेगमा पर्ने फतुवा विजयपुर, गुजरा, चन्द्रपुर र बृन्दावन नगरपालिका अन्तरगत पर्ने किसानहरुको ठुलो क्षती भएको बुझिएको छ । हावाहुरीका कारण घर टहारा समेत उडाएको छ । थप बिवरण र समाचार आउन बाँकी छ ।
