रौतहट,१८ बैशाख । थर्मोगनले हुने जाँचको भरमा काठमाडौं लगायत विभिन्न ठाँउबाट आएकाहरु गाँउ घुुम्न थालेपछी रौतहटमा कोरोना जोखिमको त्रास बढेको छ । अनिवार्य १४ दिन क्वारेन्टाइनमा राख्नुुपर्ने ब्यवस्था बिपरित खुुलारुपमा उनीहरु गाँउ–गाँउ घुुम्न थालेका कारण जोखिम बढेको हो । कोरोना भाईरस नियन्त्रण गर्न गत चैत ११ गतेदेखी अगामी २५ गतेसम्म सरकारले लगातार लकडाउन जारी राखेको छ । लकडाउनका कारण राजधानी काठमाडौं लगायतका स्थानमा अलपत्र रहेका अधिकांश रौतहटवासीलाई स्थानीय तहले उद्धार गरेको छ ।कटहरिया, गुजरा, फतुवा बिजयपुर, ईशनाथ लगायतका नगरपालिकाले लकडाउनकै अवधिमा जिल्ला प्रशासन कार्यालय गौरबाट पास लिएर अलपत्र परेका २१ सय ८५ जनालाई गाउँ भित्र्याएको जनस्वास्थ अधिकृत सुुनिल यादवले बताए । त्यसअघि पैदल हिँडेर वा अन्य साधनबाट काठमाडौं लगायतका विभिन्न स्थानबाट सैयौं मानिस रौतहट भित्रिएका छन् ।
भारतबाट चोरबाटो आउने अधिकांशलाई क्वारेन्टाईन पठाइए पनि नेपालका विभिन्न स्थानबाट आउने अधिकांश मानिस घरमै बसेका छन् । उनी १४ दिन परिवारका अन्य सदस्यहरुसंग टाढा बसेमा मात्र कोरोना भाईरसको जोखिम नहुने चन्द्रपुर अस्पताल प्रालिका निर्देशक डाक्टर सुवास चौधरी बताउँछन् । तर बल मिच्याई गरेर अधिकांश मानिस घरमा नबसेर गाँउ गाँउमा घुुमिरहेको मौलापुर नगरपालिका वडा ६ का अध्यक्ष उपेन्द्र जयसवालले गुुनासो गरे ।
उनीहरु बाहिरबाट आएर थर्मोगनबाट परीक्षण गराउने र शरीरको तापक्रम कम देखाउनासाथ बाहिर घुुम्न थाल्ने गरेको वडा अध्यक्ष जयसवालले बताए । मौलापुर मात्र नभई जिल्लाको १८ वटै स्थानीयतहमा बाहिर बाट आएकाहरुसँग कोरोना भाइरसको ठुुलो जोखिम रहेको वडा अध्यक्ष जयसवालले गुुनासो गरे ।
रौतहटका प्रमुख जिल्ला अधिकारी बासुदेव घिमिरेले बाहिरबाट आएकाहरुलाई अनिवार्य क्वारेन्टाईन पठाउन सबै स्थानीय तहलाई निर्देशन दिइसकेको बताए । निर्देशन विपरित बाहिर घुुम्ने जो कोहीलाई पक्राउ गरी क्वारेन्टाईनमा पठाउने चेतावनी समेत घिमिरेले दिए ।
