साइड इफेक्ट सबै औषधिको हुन्छ । सिटामोल पनि धेरै खायो भने कलेजो, मृगौला खराब गर्छ ।
खानेकुराहरूको पनि आफ्नै किसिमको साइड इफेक्ट हुन्छ । चिनी, गुलियो धेरै खाएमा मोटोपना बढ्छ । नून धेरैभएमा प्रेसर बढ्छ । चिल्लो धेरै खाएमा रगतमा कोेलेष्ट्रोल बढ्छ जसले मुटुरोगको खतरा हुन्छ । यसो भनेर खानेकुरा पनि नखाने त ? खाना किन खान्छौं भन्दा स्वस्थ रहन । ब्लडप्रेसरको औषधि पनि स्वस्थ रहनै खाने हो । ब्लडप्रेसरका औषधिहरूको पनि आफ्नै किसिमका साइड इफेक्टहरू छन् । ती सबै साइड इफेक्टहरू सधै सबैलाई हुन्छन् नै भन्ने होइन । कुनै साइड इफेक्ट छोटो समयमै देखा पर्छन् भने कुनै २०– ३० वर्षको लगातार औषधि सेवनपछि देखिन्छन् । डाक्टरको सम्पर्कमा बसेर डाक्टरको सल्लाह अनुसार नियमित चेकजाच गरिरहेमा साइड इफेक्टहरू हुन थालेको तरुन्तै पत्ता लाग्छ । साइड इफेक्ट भएको थाहा पाएमा ब्लडप्रेसरको औषधि अदलबदल गरेर साइड इफेक्टले गर्ने क्षतिबाट बच्न सकिन्छ । साइड इफेक्ट गर्छ भनेर औषधि शुरू नगरी सधै ब्लडप्रेसर हाइ लिएर बस्दा प्यारालाइसी, ह्दयाघात हुने, मृगौला कामै नलाग्ने अवस्थामा पुग्ने, आखाको ज्योति गुम्ने जस्ता भयानक असरहरू हुन सक्छन् । जुन असरहरूको तुलनामा औषधिको साइड इफेक्ट केही होइन ।

LEAVE A REPLY

Please enter your comment!
Please enter your name here