रौतहट,१८ असार । लगातारको बर्षाले रौतहटको जनजिवन प्रभावित भएको छ । बागमती र लाला बकैया खोलामा पानीको सतह बढेको छ । बागमतीमा आज पाँच सय पचास मिली पानी मापन गरिएको रौतहटका प्रमुख जिल्ला अधिकारी ईन्द्रदेव यादवले जानकारी दिएकाछन् । रौतहट जिल्लाको दक्षिणी भेगका अधिकांस गाउहरु बिस्तारै पानीको सहतह बढदै जान थालेको छ । हाल देशभर मनसुनी वायुको प्रभाव परेको छ । जसका कारण देशभरको मौसम सामान्यदेखि पूर्ण बदली रहेको छ । अहिले प्रदेश १, प्रदेश २ ,बाग्मती र गण्डकी प्रदेशका धेरै स्थानहरुमा मध्यमदेखि भारी वर्षा भई बाँकी प्रदेशका एक÷दुई स्थानमा हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ । आज दिनभर नै मौसम सामान्यदेखि पूर्ण बदली रहनेछ ।दिउँसो पनि प्रदेश १, प्रदेश २, बागमती प्रदेश, लुम्बिनी प्रदेश र गण्डकी प्रदेशका धेरै स्थानहरुमा साथै कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षाको सम्भावना रहेको महाशाखाले जानकारी दिएको छ । । प्रदेश १, प्रदेश २, बागमती र गण्डकी प्रदेशका केही स्थानहरुमा मेघ गर्जन र चट्याङ्गसहित भारी वर्षा तथा एक दुई स्थानमा धेरै भारी वर्षाको सम्भावना रहेको छ । राति पनि देशभर सामान्यदेखि पूर्ण बदली रहनेछ ।

LEAVE A REPLY

Please enter your comment!
Please enter your name here