अशोक पहाडी ,गौर,५ भदौ । प्रहरीको बिरोधमा समाचार लेखेपछि एकजना पत्रकारलाई प्रहरीले फंसाएको रहस्य खुलेको छ । प्रहरीको बिरोधमा एक स्थानीय अनलाईन न्युज पोर्टलमा समाचार आएपछि समाचार लेख्ने पत्रकारलाई सादा पोसाकका प्रहरीले फंसाउन उनले चढने गरेको मोटर साईकलमा लागु औषध राखेर नियन्त्रणमा लिएको छ । जिल्ला प्रहरी कार्यालय रौतहटले रिसिवी साधेर निर्दोष व्यक्तिहरुलाई फसाउने कार्य गरेको पुष्टी भएको छ । साउन ३२ गते बिआर ३० एस १८८५ नम्बरको भारतीय मोटरसाइकलमा लागुऔषध नाइट्राभेट सहित पक्राउ परेका दुई जनालाई जिल्ला प्रहरी कार्यालय रौतहटले नै फसाएको भिडियो (सिसिटिभी) फुटेज सार्वजनिक भएको छ ।
प्रहरीको बिरोधमा समाचार लेखेको भन्दै पत्रकार मुजिबुल्लाह र अर्का एकजनालाई प्रहरीले साउन ३२ गते पक्राउ गरेको थियो । जिल्ला प्रहरी कार्यलय रौतहटले सादा पोसाकमा परिचालन गरेका घुमुवा असइ उदय यादवको नेतृत्वमा रहेको प्रहरीटोलीले होटेल बाहिर पार्किङ गरि खाजा खान गएका व्यक्तिको मोटरसाइकलमा सो नाइट्राभेट राखेको भिडियोमा देखिएको छ । असइ उदय यादव तथा प्रहरी जवान मनोज साहले दुई युवाहरुलाई प्रयोग गरी आफ्नै निगरानी तथा प्रत्यक्ष उपस्थीतिमा सो लागु औषध मोटरसाइकलमा राख्न लगाएका हुन ।

LEAVE A REPLY

Please enter your comment!
Please enter your name here