काठमाण्डौं, २८ भदौं । आफ्नै पूर्वप्रेमिकासँगको अश्लिल फोटो, भिडिओ सामाजिक सञ्जालमा पोष्ट गर्ने व्यक्ति पक्राउ परेका छन् ।
पहिले प्रेमिकासँग सम्बन्धमा हुँदा खिचेका फोटो, भिडिओ सम्बन्ध बिग्रिएपछि फेसबुक र इन्स्टाग्राममा पोष्ट गर्ने दोलखाको बैतेश्वर गाउँपालिका ८ का सुजन जिरेल पक्राउ परेका हुन्।
२३ वर्षीय जिरेल हाल काठमाडौंको टोखामा बस्दै आएका थिए। महानगरीय अपराध महाशाखाले उनलाई काभ्रेको पाँचखालबाट पक्राउ गरेको हो।
उनीविरुद्ध विद्युतीय कारोबार ऐन कसूरमा आवश्यक कारबाहीको लागि सोमबार महानगरीय प्रहरी परिसर काठमाडौंमा पठाइएको महाशाखाका प्रवक्ता एसपी कृष्ण कोइरालाले बताए।
