अशोक पहाडी
रौतहट,२७ असार । तीन दिन देखीको लगातारको बर्षाले लच्कामा आएको बाढीका कारण यातायात अवरुद्ध भएको छ ।
चन्द्रपुर नगरपालिका वडानं २ स्थित लच्कामा आएको बाढीले बिहान एउटा कार बगाएपछि यातायात अवरुद्ध भएको ईलाका प्रहरी कार्यालय चन्द्रनिगाहपुरका डिएसपी कबित कटुवालले जानकारी दिए ।
आज बिहानै पुर्ब पश्चिम राजमार्गमा पर्ने लच्कामा आएको बाढीका कारण यातायातका साधन चल्न नसकेको कटुवालको भनाई रहेको छ ।
चन्द्रनिगाहपुर क्षेत्रका बिभिन्न स्थान डुवानमा परेका कारण स्काभेटरका माध्यमबाट पानी खोल्ने काम भईरहेको छ ।
