चन्द्रनिगाहपुर,२० साउन । प्रहरीलाई घुस दिन खोज्ने एक जना लागु औषध कारोवारी पक्राउ परेका छन् । कारमा लागु औषध लुकाएर ल्याएको सुचनाका आधारमा पक्राउ गर्न गएका प्रहरीलाई पचास हजार घुस दिन खोज्ने सर्लाहीको हरिऔन घर भएका महम्मद रिजवानलाई ईलाका प्रहरी कार्यालय चन्द्रनिगाहपुरले पक्राउ गरेको हो ।
चन्द्रपुर नगरपालिका ४ मा पर्ने राजमार्गबाट बा. १६ च ३२४९ नम्बरको कार सहित उनलाई प्रहरीले पक्राउ गरेको थियो ।
नाईट्राभेट ८४ पिस मध्ये ४६ पिस प्रयोग भइ ३८ पिस बाकी रहेको र डाईलेक्स डियाक्स ,डाक्टर रेड्डी २ बोतल फेला पारीएको ईलाका प्रहरी कार्यालय चन्द्निगाहपुरका डिएसपी कबित कटुवालले जानकारी दिएका छन् ।
पक्राउ परेका महम्मद रिजवानलाइ लागू औषध मुद्दामा रोैतहट जिल्ला अदालतबाट म्याद थप गरी थप अनुसन्धान भइरहेको प्रहरीले जानकारी दिएको छ ।
