मुम्बई । बलिउड अभिनेता अक्षयकुमारका फिल्मले बक्स अफिसमा तहल्का पिटिरहेका छन् । अब उनले म्युजिक इन्डष्ट्रिजमा पनि तहल्का मच्चाउने भएका छन् । अक्षय अभिनित पहिलो म्युजिक भिडियो फिलहाल रिलिज भएको छ । जसमा अक्षयको कृति सैननकी बहिनी नुपुरसँग रोमान्स देखाइएको छ । बी प्राकको स्वर रहेको गीत एक अधुरो प्रेमकथामा आधारित छ । जसमा दुई प्रेमी समाजले बनाएको नियमको कारण एक हुन सकेनन् । यो भिडियोको सुटिङ समयको तस्बिर पनि सोसल मिडियामा भाइरल भएको थियो । गीतले पनि रिलिज भएको १२ घन्टामा १५ मिलियन बढी दर्शक पाएको छ । भिडियोमा अभिनेत्री नुपूरको अभिनय समेत मन पराइएको छ । अक्षयले म्युजिक भिडियो आफ्नो इन्स्टाग्राममा शेयर गर्दै लेखेका छन् उद्योगमा यत्रो समय रहेपछि, मैले म्युजिक भिडियो डेब्यु गर्ने फैसला गरेँ । अक्षय छिट्टै फिल्म सुर्यवंशी र गुड न्युजमा देखिदै छन् । यसका अलवा उनको साथमा अन्य केही फिल्म पनि छन् ।
