अशोक पहाडी, रौतहट,३ असार । खोलामा डुबेका एक बालकको शव बरामद भएको छ । प्रहरीले रौतहटको कटहरिया नगरपालिका ९ डुमरिया गाउ छेउ झांझ नदिमा बेपत्ता बालकको १४ घन्टा पछि शव बरामद गरेको हो ।
स्थानीय मुकेश पासवानको छोरा १० बर्षका सुरज पासवानको घटना स्थल बाट झन्डै १ सय ५० मिटर पर खोला किनारमा शव बरामद भएको ईलाका प्रहरी कार्यालय गरुडाले जानकारी दिएको छ । मंगलबार अपरान्ह तिनजना साथीसंग नुहाउन जांदा खोलामा बेपत्ता भएका थिए ।
स्थानीय र प्रहरीको सहयोगमा २ जना बालकको जिवितै उद्वार गरिएको ईलाका प्रहरी कार्यालय गरुडाका प्रमुख डिएसपी ज्ञान कुमार महतोले जानकारी दिएका छन ।
पछिल्लो केही दिनदेखि जिल्ला स्थित नदि खोलामा पटक पटक बाढी आईरहेको र स्थानीय तहहरुले गरिरहेका विकास निर्माणमा खाल्डा हरु बनाएकाले आआफ्ना बालबालिका लाई निगरानी गर्न सबै अभिभावक लाई ईलाका प्रहरी कार्यालय गरुडाले एक सूचना जारी गर्दै अनुरोध गरेको छ ।
