जनकपुरधाम । असार १ गते बजेट ल्याएपछि स्थगित मधेस प्रदेशसभाको बैठक २३ औं दिनपछि शनिवार १ बजे बस्यो । प्रदेशसभाको बैठकमा बजेटमाथि छलफल गर्ने लगायतका कार्यसूची तय थिए । तर, केहीबेरमै उक्त बैठक अवरुद्ध भयो । नेकपा एमालेका सांसदहरुले बैठकमा अर्थमन्त्री सञ्जयकुमार यादवले रकमान्तर गरेर आफ्नो क्षेत्रमा बजेट लगेको भन्दै विरोध गरे । उनीहरुले सो विषयमा जवाफ माग्दै बैठक अवरुद्ध गरेका हुन् ।
