काठमाडौं । मकवानपुर उद्योग वाणिज्य संघका अध्यक्ष कृष्ण कटुवालले प्रदेश तीनको राजधानी हेटौंडाबाट अन्यत्र सारिए उद्योगीले नै आन्दोलन थाल्ने चेतावनी दिनुभएको छ । जनता टेलिभिजनको कार्यक्रम सन्दर्भमा कुराकानी गर्नुहुँदै अध्यक्ष कटुवालले प्रदेश तीनको राजधानी सारिए देशले नसोचेको आन्दोलन हुने बताउनुभयो ।
अध्यक्ष कटुवालले मकवानपुको हेटौंडामा औद्योगिक क्षेत्र विस्तार लागि जग्गा अभाव रहेको भन्दै चुरे क्षेत्रअन्तर्गतको खुल्ला बगर क्षेत्रमा औद्योगिक विकास गर्ने स्थानबारे सरकारले सोच्नुपर्ने बताउनुभयो । उहाँले हेटौंडा देशकै यातायातको हबको रहेकाले यसको व्यवस्थापनमा सरकार र सरोकार पक्षले बेलैमा सोच्नुपर्ने धारणा राख्नुभयो ।
अध्यक्ष कटुवालसँगको हरिशरण न्यौपानेले गर्नु भएको कुराकानी कार्यक्रम सन्दर्भ हेर्नुहोस्ः
