नायिका करिश्मा मानन्धर हुन त सधैं चर्चामै रहन्छिन तर एसईईको नतिजा प्रकाशित भएपछि उनको चर्चा ह्वात्तै चुलिएको छ । २०७५ सालको एसईई परिक्षार्थी करिश्माले बी प्लस ल्याए पछि उनले जताततै प्रशंसा पाइरहेकी छिन । सर्वसाधारण लगायत फिल्मी क्षेत्रका कलाकारले उनलाई बधाई दिइरहेका छन । उनकी छोरी कबिता मानन्धरले पनि आफ्नो फेसबुक अकाउन्टमार्फत आमाको सफलतामा भावुक हुदै बधाई दिएकी छिन । उनले भनिन तपाईंले जीवनमा जे गर्नु चाहनु भयो त्यो गरेरै छोड्नु भयो र एसईईको कुरा गर्दा मलाई तपाईं माथि अलिकति पनि शंका लागेन । तपाईंले यसमा राम्रो गर्नुहुनेछ भन्ने मलाई पूर्ण विश्वास थियो । उनले आफ्नी आमालाई यो यात्रामा सहयोग गर्ने शिक्षक, सहपाठी, विद्यालयलाई पनि धन्यवाद दिएकी छिन । पुरानी अभिनेत्री गौरी मल्लले आफ्नो फेसबुक अकाउन्टमा लेखेकी छिन धेरै धेरै बधाई करिश्मा । तिमीले लिएको दृढ संकल्प सफलताका साथ पुरा भयो । अब आउने दिनहरुले अझ प्रगतिको शिखरहरु चुम्दै जाउन । यस्तै, पूर्व मिस नेपाल रुबी राणा शाहले पनि करिश्मालाई बधाई दिएकी छिन ।
साथै, निर्देशक दिपा श्री निरौलाले पनि चाहे के पुग्दैन बधाई दिज्जु भन्दै बधाई दिएकी छिन । यस्तै, हास्य कलाकार केदार प्रसाद घिमिरे, अभिनेत्री केकी अधिकारीले पनि करिश्मालाई फेसबुकमार्फत नै बधाई दिएकी छिन् । करिश्माले एसइइमा बी प्लस आएकोमा आफू औधी खुसी भएको र अब सरकारी प्लस टुमा मानविकी लिएर पढ्ने बताएकी छिन ।
