चन्द्रपुर,१ फागुन / चन्द्रनिगाहपुरमा रहेको मुनलाइट एकेडेमीले आफ्नो स्थापना दिवसका अवसरमा बिभिन्न कार्यक्रम गरेको छ । मुनलाईट एजुकेशन फउण्डेसन प्राली चन्द्रनिगाहपुरले आफ्नो १६ औ स्थापना दिवसका अवसरमा कराते खेलाडी तथा प्रशिक्षकलाई सम्मान गरेको छ ।
हालै भारतको मुम्बईमा भएको अन्र्तराष्ट्रिय कराते प्रतियोगिता स्वर्णपदक प्राप्त गर्न सफल बिबिका श्रेष्ठ ,कास्य पदक प्राप्त गर्न सफल कुसल बस्नेत र राष्ट्रिय कराते खेलाडी सुजिना मगरलाई सम्मान पत्र सहित सम्मान गरिएको थियो । सो कार्यक्रममा करातेका स्वयमसेवक प्रशिक्षक तथा सितोरियो कराते संघ रौतहटका अध्यक्ष अशोक पहाडीलाई पनि सम्मान गरिएको थियो । कार्यक्रमका प्रमुख अतिथि चन्द्रपुर नगरपालिकाका प्रमुख प्रशासकिय अधिकृत कृष्ण प्रसाद सिग्देलले खेलाडी तथा प्रशिक्षकलाई दोसल्ला ओढाएर सम्मान गरेका थिय । आफ्नो स्थापना दिवसको अवसरमा विद्यालयले बुधबार चन्द्रनिगाहपुर सरकारी अस्पतालमा रहेका बिमारीहरुलाई फलफुल बितरण गरेको विद्यालयका संचालक हरी कोईरालाले जानकारी दिएका छन् । विद्यालयले आफ्नो स्थापना दिवसका अवसरमा बिभिन्न सास्कृतीक कार्यक्रम समेत गरेको थियो ।
