गरुडा २५ फागुन / रौतहटमा एक बेवारिसे व्यक्तिको मृत्यु भएको छ। रौतहटको गरुडा नगरपालिका-४ स्थित चपुर गौर सडक खण्डमा मागी खाई हिँड्ने करिब पचास वर्षिय पुरुषको मृत्यु भएको हो । गरुडा प्रहरीले सडक छेउमा लडिरहेको अवस्थामा पुरुषको उद्धार गरी अस्पताल पुर्याएको थियो । उपचारकै क्रममा उक्त पुरुषको मृत्यु भएको जिल्ला प्रहरी कार्यालय रौतहटले जनाएको छ । मृतकको जिल्ला अस्पताल गौरमा पोस्टमार्टम गरिएको छ । नाम, थर, वतन तथा अन्य कुनै पनि पहिचान नखुलेको शवलाई जिल्ला अस्पताल गौरमा राखिएको र अन्य विषयमा अनुसन्धान भइरहेको जिल्ला प्रहरी कार्यालय रौतहटका प्रमुख एसपि रविराज खड्काले जानकारी गराएका छन् ।
नागरिकबाट
