रुपेन्द्र पटेल २६ फगुन / रौतहटमा आज बिहान एक माल वाहक ट्रक पल्टिँदा लाखौं मुल्य बराबरको धनमाल क्षेती ग्रस्त भएको छ । जिल्लाको चन्द्रनिगाहपुर गौर सडक खण्डमा पर्ने बृन्दावन नगरपालिका वडा नं. ६ स्थित हर्षाहा चौकमा सोमबार बिहान करिब ६ बजेको समयमा गौर तर्फ जादै गरेको ना ६ ख ६२१८ नम्बरको माल वाहक ट्रक पल्टिँदा हर्षाहाका स्थानिय नथुनि साहको भैसी र सोही स्थानमा फर्निचर सञ्चालन गर्दै आएका स्थानिय चन्दन सिंहको बक्स पलग्ङ नष्ट भएको पिडित नथुनि साहले बताएका छन । ट्रक पल्टिँदा कुनै किसिमको मानवीय क्षती नभएको ईलाका प्रहरी कार्यालयका डिएसपी ज्ञान कुमार महतोले बताएका छन । ट्रक पल्टिँदा एक विद्युतको पोल समेत भाचिएको छ ।
