काठमाडौं – केपी शर्मा ओली पक्राउको विरोधमा नेपाल कम्युनिष्ट पार्टी (एमाले) पुनः सडकमा उत्रिएको छ।
माइतीघर–बबरमहल क्षेत्र आइतबार बिहानैदेखि एमाले कार्यकर्ताले भरिएको देखिन्छ। नाराबाजी, प्लेकार्ड र प्रदर्शनले राजधानीको माहोल फेरि तातेको छ।
एमालेका जनवर्गीय संगठनहरूले काठमाडौं मात्र होइन, देशभरका जिल्ला प्रशासन कार्यालय घेराउ गर्दै विरोधपत्र बुझाइरहेका छन्। पक्राउलाई “राजनीतिक प्रतिशोध” भन्दै पार्टीले आन्दोलन चर्काउने संकेत दिएको छ।
शनिबारदेखि सुरु भएको प्रदर्शन आइतबार झन् आक्रामक देखिएको छ। प्रहरीले सतर्कता बढाएको छ भने केही स्थानमा तनावको अवस्था पनि सिर्जना भएको छ।
ओलीसँगै रमेश लेखक पक्राउ परेपछि एमाले थप आक्रोशित बनेको हो। दुवै नेता भदौ २३–२४ जेनजी आन्दोलन सम्बन्धी घटनामा अनुसन्धानमा तानिएका छन्।
एमाले नेताहरूले चेतावनी दिएका छन्—
“यदि तत्काल रिहा गरिएन भने आन्दोलन अझ सशक्त बन्छ।”
राजधानीदेखि जिल्ला–जिल्लासम्म फैलिएको यो विरोधले देशको राजनीतिक तापक्रम फेरि उकास्ने संकेत देखिएको छ
