चन्द्रपुर,१३ पुस । अप्रवाशीहरुको लागी च्याउ खेती र अप्रवाशीहरुको लागी हरितगृह प्लास्टिक टनेलमा तरकारी खेती सम्बन्धी ५ दिने तालिम सम्पन्न भएको छ । युएसआडी÷तयार नेपालको अािर्थक सहयोमा र सोडेक नेपाल रौतहटको आयोजनामा चन्द्रपुर वडा नंं ४ र चन्द्रपुर वडा नं. १० मा तालिम कार्यक्रम सम्पन्न भएको हो । यस तालिममा चन्द्रपुर न.पा.को प्रत्येक वडा वाट २÷२ जना गरी जम्मा २० जना सहभागीहरुको उपस्थिती रहेको थियो । यस तालिमा सहभागी भएका सहभागीहरु विदेश वाट फर्केर आएर घरमै बसी व्यवसाय गर्न इच्छुक भएका अप्रवाशी लाभग्राहीलाई तालिम प्रदान गरिएको छ । यसको मुख्य उद्देश्य स्थानिय तहमा रोजगारी सृजना गर्ने रहेको छ भन्ने यस संस्था सोडेक नेपालका सचिव श्री शारदा भण्डारी ले जानकारी दिइन ।
