रौतहट,५ मंसिर । नेकपा एकीकृत समाजवादीका अध्यक्ष माधव कुमार नेपाल रौतहट क्षेत्र नम्बर १ मा नेकपा एमालेका उम्मेदवार अजय कुमार गुप्ता भन्दा ७५ मत अगाडी रहेकाछन् । एकमा नेकपा एसका अध्यक्ष एव पुर्व प्रधानमन्त्री माधवकुमार नेपालले आफ्नै घर भएको गौर नगरपालिकाको १ नम्बर वडाको मत गणना गर्दा ७५ मतले अग्रता कायम राखेका छन् ।
सरदमुकाम गौर को वडा नम्बर १ को १४९४ मत गणना गर्दा माधव कुमार नेपालले ७२९ मत प्राप्त गरेका छन्। दोश्रो स्थानमा नेकपा एमालेका अजय गुप्ता रहेका छन्। उनले ६५४ प्राप्त गरेका छन् ।
वडा नम्बर एकको मतगणणा सकिएको छ । वडा नम्बर दुइको मतपेटिका खोलेर मत पटयाउने काम भइरहेको जिल्ला मुख्य निर्वाचन कार्यालयले जनाएको छ ।
