रौतहट,२९ मंसिर । गएराती रौतहटमा भएको आगलागी बाट १४ लाख बढीको क्षति छ । जिल्लाको मौलापुर नगरपालिकाको छुट्टाछुट्टै दुई स्थानमा भएको आगलागीबाट चार वटा गोठ जलेर नष्ट भएको छ भने गोठमा रहेको ५ चौपायाको जलेर मृत्यु भएको प्रहरीले जनाएको छ ।
मौलापुर ६ पथरा बुधराम स्थित त्रिभुवन रामको गोठमा गए राति साढे १० बजे अचानक भएको आगलागी बाट गोठ पूर्ण रूपमा जलेर नष्ट भएको हो । गोठमा रहेको भैँसी र बाख्रा गरी ५ चौपायाको जलेर मृत्यु भएको इलाका प्रहरी कार्यालय मौलापुरका प्रमुख इन्स्पेक्टर कुशल बर्तौलाले जानकारी दिए । गाउँले र प्रहरी मिलेर आगो नियन्त्रणमा लिएको प्रहरीले बताएको छ ।
त्यसैगरी मौलापुर ३ गम्हरियामा गए राति ११ बजे भएको आगलागीबाट तीनवटा गोठ जलेर नष्ट भएको छ । जाडोको बेला ताप्नका लागि बालिएको घुर (आगोका ) कारण आगलागि भएको हुन सक्ने प्रहरीले अनुमान गरेको छ ।
