जनकपुर,१७ मङ्सिर ।
मुख्यमन्त्री सरोज कुमार यादवले विश्वासको मत लिने उद्देश्यले आह्वान गरिएको मधेस प्रदेशसभाको बैठक तोकिएको वेळभन्दा निकै ढिलो हुँदै पनि सुरु हुन सकेको छैन।
बिहान साढे ८ बजेका लागि बोलाइएको बैठक स्थगितजस्तै बनेपछि सांसदहरू संसद् भवन परिसरमै प्रतीक्षा गर्दै बसेका छन्। परिसर तथा सभामुख कार्यालय वरिपरि सुरक्षा व्यवस्था कडा पारिएको छ।
सर्वोच्च अदालतले सोमबार मुख्यमन्त्री यादवलाई २४ घण्टाभित्र प्रदेशसभाबाट विश्वासको मत लिन परमादेश जारी गरेको थियो। अदालतको आदेशअनुसार आजै मत लिनुपर्ने भए पनि यादवले विश्वासको मत प्राप्त गर्ने पर्याप्त संख्या नरहेको राजनीतिक विश्लेषणहरूमा टिप्पणी भइरहेकाले राजीनामा दिन सक्ने सम्भावना बढी चर्चामा छ।
मधेस प्रदेशसभामा कुल १०७ सदस्य छन्, जसले सरकार गठनका लागि कम्तीमा ५४ मत आवश्यक हुन्छ। अहिले एमालेका २५ सांसदमध्ये एक जना निलम्बित छन्। नेपाल संघीय समाजवादी पार्टी र राप्रपाका एक–एक सांसद एमाले पक्षमा रहेको बताइए पनि राप्रपाले आफ्नी मन्त्री कञ्चन बिच्छामाथि कारबाही प्रक्रिया अघि बढाइसकेकाले संख्या व्यवस्थापन सरकारले अझै कठिन बनेको देखिन्छ।
प्रदेशसभामा बैठक कहिले सुरु हुन्छ भन्नेबारे आधिकारिक जानकारी भने दिइसकेको छैन।
