गौर २९ मंसिर / रौतहटमा लामो समयदेखि फरारको सूचिमा रहेका ३ जना अभियुक्तलाई प्रहरीले पक्राउ गरेको छ । जालसाजी मुद्धामा फरार रहेका गढीमाई नगरपालिका–६ का सहदेव यादव र घमण्डी राय यादवलाई प्रहरीले पक्राउ गरेको रौतहट प्रहरीले जनाएको छ । त्यसैगरी कुटपिट मुद्धामा फरार रहेका सोही वडाका रामसिंहासन यादव लाई प्रहरीले पक्राउ गरेको छ । सबैजनालाई आवश्यक कार्वाहीको लागि जिल्ला अदालत गौरमा हाजिर गराइएको जिल्ला प्रहरी प्रवक्ता प्रहरी नायव उपरीक्षक नविन कार्कीेले जनाए ।
