उपेन्द्र गोले चन्द्रपुर,५ माघ ।
रौतहटको चन्द्रपुर नगरपालिका वडा नम्बर–१ बागमति मंगलपुरमा २८५६ औं सोनाम ल्होछारको अवसरमा बृहत सास्कृतिक कार्यक्रम हुने भएको छ । २८५६ जीवा ल्हो (नाम्युङ) मुसा बर्ग सोनाम ल्होछारको अबसरमा आउदो माघ १० गते रौतहटको चन्द्रपुर वडा नम्बर १ मंगलपुरमा बृहत सास्कृतिक कार्यक्रम हुने आयोजक नेपाल तामाङ घेदुङका अध्यक्ष सुर्य बहादुर तामाङले बताउनु भयो । राष्टिूय कलाकारहरु अबिनास घिसिङ , नेपाल ताराका सुरेश लामा सोनाम बज्यु , शशिकला मोक्तान , रेश्मा बम्जनको बेजोड प्रस्तुति रहने नेपाल तामाङ घेदुङ रौतहट जिल्ला अध्यक्ष बाल कुमार लामाले जानकारी दिनु भयो । त्यसका साथै स्थानिय गायिका सुनिता लामा र प्रताब जिम्बाको प्रस्तुति समेत रहने आयोजक नेपाल तामाङ घेदुङ चन्द्रपुर–१ ले जनाएको छ । कार्यक्रम चन्द्रपुर–१ मंगलपुरस्थित टासिलिङ्बो गुम्बामा बिहान १० बजे हुने जनाइएको छ ।
