चन्द्रपुर,२ फागुन ।
चन्द्रपुर नगरपालिका वडानं ४ ले फुटबल खेलाडीहरुलाई आवश्यक खेला समाग्री वितरण गरेको छ । सोमबार चन्द्रनिगाहपुर स्थित सेरबहादुर स्मृती खेल मैदानमा एक कार्यक्रमका बिच फुटबल खेलाडीहरुका लागि बिभिन्न सामाग्री वितरण गरिएको हो । चन्द्रपुर नगरपालिका वडानं ४ को बजेट बाट महिला फुटबल खेलाडीहरुका लागि खेला समाग्री वितरण गरिएको थियो ।
मधेश प्रदेश फुटबल संघका अध्यक्ष नेपाल कार्कीको प्रमुख आतिथ्यतामा भएको एक कार्यक्रममा ४५ जना महिला फुटबल खेलाडीका लागि बुट ,फुटबल र प्रशिक्षकहरुका लागि ट्रयाकसुट वितरण गरिएको हो । चन्द्रपुर नगरपालिका वडानं ४ का वडा अध्यक्ष रबि रानाको अध्यक्षतामा भएको खेल सामाग्री वितरण कार्यक्रममा वडा सदस्य बिनोद सिटौला ,साबित्रि कुस्वार,प्रमा तिमलसिना ,फुटबल संघ रौतहटका अध्यक्ष भगवान दर्लामी लगाएको उपस्थिती रहेको थियो । सोमबारनै चन्द्रपुर नगरपालिका वडानं ४ ले टेकानमा रहेका फुटबल खेलाडीहरुका लागि फुटबल वितरण गरेको वडा अध्यक्ष रबि रानाले जानकारी दिए । चन्द्रनिगाहपुरमा रहेका महिला फुटबल खेलाडीको स्तरबृद्धीका लागि वडानं ४ले फुटबल खेलको समाग्री बितरण गरेको हो ।
