अशोक पहाडी
रौतहट,१७ चैत । गएराती रौतहटमा मोटर साईकल दुर्घटना हुँदा एक महिलाको मृत्यु भएको छ । पुर्व पश्चिम राजमार्गको चन्द्रनिगाहपुर स्थित चाँदी पुलमा पश्चिमबाट पुर्व जादै गरेको प्रदेश २ –२–००४ प ३०४७ नम्बरको मोटर साईकल दुर्घटना हुँदा मोटर साईकलमा सवार सर्लाही हरिपुर नगरपालिका २ घर भएकी ४० बर्षकी राजकुमारी चौधरीको घटना स्थालमै ज्यान गएको थियो । मोटर साईकल चालक धुषाको औरही ४ का ४५ बर्षका अरुण कुमार मण्डल गम्भिर घाईते भएकाछन् । उनलाई थप उपचारमा लागि वीरगंज पठाईएको ईलाका प्रहरी कार्यालय चन्द्रनिगाहपुरका डिएसपी एक नारायण कोईरालाले तराई एक्सप्रेसलाई जानकारी दिएएकाछन् ।
चाँदी पुलको साँघुरो मुखमा रातीको समयमा भएको सो दुर्घटना कसरी भयो भन्ने बिषयमा थप अनुसन्धान भईरहेको डिएसपी कोईरालाको भनाई रहेको छ ।
